“Unë besoj se ky ishte vendimi i duhur për Twitter-in. Ne u përballëm me rrethana të jashtëzakonshme dhe të paqëndrueshme, duke na detyruar të fokusohemi tek të gjitha veprimet tona në sigurinë publike”, tha Jack Dorsey.
Drejtori ekzekutiv i Twitter-it, Jack Dorsey, e përshkroi vendimin e pezullimit të llogarisë së presidentit në largim të SHBA-ve, Donald Trump, si “një dështim” për të promovuar biseda të shëndetshme.
“Nuk kremtoj ose ndihem krenar për detyrimin tonë për të ndaluar @realDonaldTrump nga Twitter, ose si arritëm këtu. Pas një paralajmërimi të qartë se do të bënim këtë veprim, morëm një vendim bazuar në kërcënimet ndaj sigurisë fizike si në Twitter ashtu edhe jashtë tij”, tha Dorsey të mërkurën në Twitter dhe pyeti:” A ishte kjo korrekte? ”
Dorsey për herë të parë foli për ndalesën e Trump-it që ndodhi të premten pas një pezullimi 12-orësh në ditën e rrethimit vdekjeprurës të Capitol-it të SHBA-ve më 6 janar.
“Unë besoj se ky ishte vendimi i duhur për Twitter-in. Ne u përballëm me rrethana të jashtëzakonshme dhe të paqëndrueshme, duke na detyruar të fokusohemi tek të gjitha veprimet tona në sigurinë publike. Dëmet jashtë si rezultat i fjalimit online janë reale në mënyrë të dukshme dhe çfarë e shtyn politikën dhe zbatimin tonë mbi të gjitha”, tha ai.
Në një shkrim të mëvonshëm në Twitter, ai tha: “Detyrimi për të ndaluar një llogari ka pasoja reale dhe domethënëse. Teksa ka përjashtime të qarta dhe të dukshme, ndiej që një ndalim është dështimi ynë në fund të fundit për të promovuar biseda të shëndetshme. Si dhe një kohë për ne për të reflektuar në operacionet tona dhe mjedisin rreth nesh”.
“Ky moment në kohë mund të kërkojë këtë dinamikë, por për një kohë të gjatë do të jetë shkatërruese për qëllimin fisnik dhe idealet e internetit të hapur”, shkroi ai.
“Një kompani që merr vendim afarist për të moderuar veten është ndryshe nga një qeveri që heq aksesin, megjithatë mund të ndihet shumë e njëjtë”, tha Dorsey.
Censura sistematike është kritikuar nga republikanët, si dhe shumë udhëheqës botërorë, por demokratët akuzojnë presidentin amerikan për nxitjen e mbështetësve për të ndaluar Kongresin në konfirmimin e fitores elektorale të presidentit të zgjedhur Joe Biden.
Kancelarja gjermane Angela Merkel e ka cilësuar ndalimin në Twitter si “problematik”. Ndërkohë, presidenti meksikan Andres Lopez Manuel Obrador tha: “Nuk duhet të lejohet që një korporatë private, pronari i Facebook-ut, ose pronari i Twitter-it, të vendosë se kush ka mundësinë e komunikimit dhe kush nuk ka”.
