Shërbimi Sekret Amerikan njoftoi se të paktën 100 miliardë dollarë u vodhën nga programet mbështetëse të krijuara për të ndihmuar qytetarët dhe bizneset që humbën punën për shkak të COVID-19.
Shërbimi Sekret Amerikan njoftoi se të paktën 100 miliardë dollarë u vodhën nga programet mbështetëse të krijuara për të ndihmuar qytetarët dhe bizneset që humbën punën për shkak të COVID-19.
Koordinatori i Shërbimit Sekret, Roy Dotson, i cili është i ngarkuar me hetimin e mashtrimeve lidhur me pandeminë tha se mashtrimi u zbulua në pagesat e bëra brenda fushës së ndihmës pandemike, nga të dhënat e marra nga Departamenti i Punës dhe Administrimi i Biznesit të Vogël.
Dotson tha se janë bërë parregullsi prej 3.4 trilionë dollarësh në rreth 3 për qind të pagesave të bëra në kuadër të programeve të mbështetjes së pandemisë.
Thuhet se pjesa më e madhe e përqindjes së përmendur përbëhej nga përfitimet e papunësisë. Departamenti Amerikan i Punës njoftoi se rreth 87 miliardë dollarë përfitime papunësie mund të jenë paguar në mënyrë të parregullt dhe një pjesë e konsiderueshme mund të konsiderohet si mashtrim.
Shërbimi Sekret ka sekuestruar 1.2 miliard dollarë gjatë hetimit të rasteve të sigurimit të papunësisë dhe mashtrimeve me kreditë dhe se ka kthyer 2.3 miliardë dollarë fonde mashtruese.
Më tej theksohet se vazhdojnë mbi 900 hetime aktive në lidhje me mashtrimet në pagesat e pandemisë dhe deri më tani janë arrestuar 100 persona.
