Vullnetarët me kuzhinat e supave shpërndajnë vakte dhe ushqime të nxehta për ekipet e kërkim-shpëtimit dhe familjet e prekura nga përmbytjet në Gjermani dhe Belgjikë.
Shoqata Hasene, një organizatë joqeveritare e lidhur me Komunitetin Islam të Milli Gorus (IGMG), po shpërndan ndihma në zonat e goditura nga përmbytjet në Evropë përmes kuzhinave të tyre të lëvizshme të supave, raporton Anadolu Agency (AA).
Duke folur për AA, Tahir Koksoy, kreu i ekipit të tryezës së krizës, tha se organizata muslimane turke IGMG po ndihmon në mënyrë aktive njerëzit në Belgjikë, Holandë dhe Gjermani.
Koksoy tha se tryeza e krizës planifikon atë që nevojitet dhe i drejton kuzhinat e lëvizshme të supave në zonat e katastrofës.
Vullnetarët me kuzhinat e supave shpërndajnë vakte dhe ushqime të nxehta për ekipet e kërkim-shpëtimit dhe familjet e prekura nga përmbytjet në Gjermani dhe Belgjikë, tha Koksoy.
“Nuk ka ujë të pijshëm në Stolberg, Gjermani. Ne sollëm ujë të pijshëm atje. Së pari shpërndamë ushqim, vakte të nxehta dhe ujë që urgjentisht nevojiten”, shtoi ai.
Së paku 157 persona deri më tani kanë humbur jetën dhe qindra janë ende të zhdukur, theksuan të dielën autoritetet gjermane.
Përmbytjet më të këqija të Gjermanisë në më shumë se 200 vjet të shkaktuara nga reshjet e mëdha të shiut dhe rrëshqitjet e tokës shkaktuan shkatërrim të gjerë në qytete dhe fshatra të ndryshëm në rajonet perëndimore në kufi me Belgjikën dhe Francën.
