Kanë mjaftuar vetëm katër orë pas raportimit të KosovaPress-it për t’u siguruar mjetet e kërkuara për rastin e njëvjeçares të cilës i është dëmtuar aparati i oksigjenit.
Prindërit e vajzës L.D kanë falënderuar KosovaPress-in dhe të gjithë qytetarët që u solidarizuan me këtë rast.
Kujtojmë se L.D nga Prishtina vuan nga një sëmundje e rrallë gjenetike në botë. Pas shumë sfidave të fillimit të jetës saj, 1 vjeçarja tashmë është e varur 24 orë për oksigjeno-terapi. L.D nga Prishtina duhet të dërgohet çdo muaj në kontroll, ndërkohë që nga qershori i vitit të kaluar është dëmtuar edhe aparati respirator, i cili ka vlerën 7 mijë euro.
