Ekipet në terren po përpiqen të eliminojnë pasojat e stuhisë
Të paktën 9 persona e kanë humbur jetën në një stuhi që ka goditur Irlandën, Britaninë e Madhe, Belgjikën dhe Holandën ndërsa ekipet janë në terren duke u përpjekur të eliminojnë pasojat e stuhisë, transmeton Anadolu Agency (AA).
Në Britani, rreth 400 mijë njerëz mbetën pa energji elektrike, erërat shkatërruan kullën e kishës në qytetin Wells, shkatërruan pjesë të çatisë së O2 Arena të Londrës, shkatërruan pemë dhe dëmtuan ndërtesa. Probleme ka pasur edhe në qarkullimin hekurudhor.
Shpejtësia e erës prej 196 kilometrash në orë u regjistrua të premten në ishullin Wight dhe nëse kjo matje konfirmohet, atëherë do të thyhet rekordi i fuqisë së erës në Angli.
Shërbimi meteorologjik paralajmëroi erë më të fortë në brigjet jugore të Anglisë dhe Uellsit ndërsa bora dhe akulli mund të shkaktojnë probleme në veri.