Sipas mediave suedeze ka sinjale se Suedia do të bashkohet aleancës veri-atlantike duke tërbuar presidentin rus Putin që invadoi Ukrainën me pretekstin se donte të ndalte zgjerimin e NATO’s dhe ‘denazifikonte’ Ukrainën, transmeton Gazeta Metro.
Sipas një raporti të gazetës suedeze Svenska Dagbladet qeveria suedeze do të dorëzojë kërkesën për anëtarësim në samitin e NATO’s në Madrid në muajin qershor.
Burimet e Svenska Dagbladet i kanë thënë gazetës në të njëjtën ditë që fqinji i saj Finlanda poashtu neutral nisi debatin për anëtarësim në NATO javë pasi u spekuluar nëse do të ndërmerrte këtë hap.
Përflitet se kryeministrja e Suedisë, Magdalena Andersson ka synim të anëtarësojë vendin në aleancë deri në qershor.Suedia dhe Finlanda historikisht kanë shmangur anëtarësimin në ATO, megjithëse janë të rreshtuara krah Perëndimit, në përpjekje për të mos provokuar Rusinë. Por invadimi i Ukrainës nga Putin ka ndryshuar qëndrimin e opinionit publik në shtetet skandinave pasi Rusia nisi luftën me retorikën se po ndalon ekspansionin e NATO.
Ngjashëm me Suedinë, Finlanda shpreson të nisë procesin e aplikimit brenda javësh, jo muajsh, siç e ka përsëritur kryeministrja Sanna Marin sot.
Raporti qeveritar i publikuar sot që ka shqyrtuar “mjedisin e sigurisë që ka ndryshuar në fondament ” do t’i kalohet parlamentit, pas një debati që do të mbahet javën tjetër dhe pritet të jetë baza e vendimit të tyre.
Sot kryeministrja suedeze Andersson priti kryeministren finlandeze Marin në Stockholm për të diskutuar anëtarësimin e tyre të mundshëm në aleancë.
Reagimi i Rusisë ishte siç pritej, ku zëdhënësi i Kremlin, Dmitry Peskov, kishte paralajmëruar për rrotull se kjo lëvizje “nuk do të përmirësonte situatën e sigurisë në Evropë”, ndërsa një deputet rus Vladimir Dzhabarov e kishte thënë troç kërcënimin se kjo do të sillte “shkatërrimin e vendit”