Drejtori i Policisë së Kosovës, Samedin Mehmeti, tha se ishte një diskutim i frytshëm bashkë me Asociacionin e Gazetarëve të Kosovës (AGK), ku fokusi kryesor ishte siguria në trafik dhe rëndësia e publikimit të lajmeve
“Po ishte një takim i mirë bashkë me Asociacionin dhe përfaqësuesit e medieve, ku fokusi kryesor ishte siguria në vend, dhe bashkëbisedimi ishte në kuadër edhe të rasteve të shumta të aksidenteve”, tha ai.
Në anën tjetër kryetarja e AKG-së, Gentiana Begolli, theksoi se ky takim tha se gazetarët në përgjithësi janë bashkëpunues dhe i dalin në ndihmë policisë në parandalimin e shumë aksidenteve por edhe në përgjithësi punën e policisë, ku gazetarët luajnë një rol të rëndësishëm.
“Gatishmëria e gazetarëve ka dëshmuar që gazetarët nuk kanë kursyer të jenë në vijën e parë të frontit, dhe ia konfirmuam drejtorit që edhe gazetarët kanë raportuar dhe kanë ndikuar apo kontribuar në avancimin e qytetarisë aktive, dhe që realisht të paraqesin faktet dhe dëshmitë dhe të jenë ndihmuese në parandalimin e aksidenteve”, tha Begolli.
