Një tërmet me magnitudë 6.8 ballë goditi Argjentinën perëndimore-qendrore të hënën, i pasuar nga të paktën pesë goditje të tjera që tronditën ndërtesat dhe rrëzuan produktet nga raftet e supermarketeve.
Reuters raporton se nuk pati raportime të menjëhershme për lëndime.
Tërmeti goditi në një thellësi prej 10 km tha Qendra Gjermane e Kërkimeve për Gjeoshkencat (GFZ), me epiqendrën e tij të vendosur 40 km në jug të provincës së San Juan, raporton A2.
Bazuar në të dhënat e disponueshme, nuk ka kërcënim për tsunami në këtë kohë, sipas Qendrës së Paralajmërimit të Tsunamit në Paqësor (PTWC).
Guvernatori i San Juan Sergio Uñac u bëri thirrje njerëzve të qëndrojnë të qetë pas goditjes së tërmeteve.
“Le të vëmë në praktikë të gjitha masat që kemi mësuar për të parandaluar incidentet, ndërsa jemi të përkushtuar të dimë ndikimin e tërmetit për të bashkëpunuar në gjithçka të nevojshme,” shkroi ai në Twitter.
Uñac shtoi se krahina po punonte me forcat civile dhe të sigurisë për t’u përgjigjur, si dhe me bashkitë për t’iu përgjigjur “kujdesit për ta”.
Postimet në mediat sociale treguan shumë shtëpi dhe ndërtesa që dridheshin, nga aktiviteti sizmik, duke lënë të çara në rrugë, ndërsa produktet binin nga raftet në dyqane.
