Tronditëse janë e burrave dhe grave franceze, 24 orë pas publikimit të një raporti mbi skandalin e madh të abuzimit seksual që prek Kishën Katolike të Francës.
Tre mijë priftërinj, klerikë dhe stafi që punojnë për Kishën Katolike Franceze kanë përdhunuar 330,000 të mitur në 70 vitet e fundit, sipas një raporti të diskutueshëm që përshkruan tmerrin brenda faltoreve dhe shkollave të konviktit katolik.
Dëshmia tronditëse
Gratë dhe burrat që përjetuan këtë përvojë çnjerëzore kur ishin të mitur “hapën zemrat” dhe sipas Daily Beast , dëshmitë e tyre janë të jashtëzakonshme.
I tillë është rrëfimi i “Marie”, një franceze që u përdhunua nga një murgeshë. “Marie” qendronte në një konvikt katolik francez kur ishte në klasën e pestë të shkollës fillore.
“Isha 11 vjeç dhe dukesha si 9. Ajo më çonte në zyrën e saj, mbyllte derën dhe më pas tërhiqte perdet. Pas kësaj, ajo më vuri në gjunjë dhe më tha të lexoja Ungjillin, ndërsa më shtrëngonte me njërën dorë në gjoks dhe me dorën tjetër më hiqte të brendshmet.”
Ajo kujton një murgeshë që vinte në klasën e saj çdo ditë për të zgjedhur një nxënëse, që do ta ndihmonte me Liturgjinë. Por murgesha nuk kërkonte askënd që ta ndihmonte, ajo ishte në kërkim të “presë seksuale”.
“Marie “nuk fliste me prindërit e saj mpër abuzimin derisa një mik e bindi atë ta bënte.
“Unë isha vërtet një” dhuratë “për këtë murgeshë (…) sepse ajo e dinte shumë mirë se nuk rrezikohej nga asgjë”, thotë Marie.
Murgesha e dhunoi për një vit. Në moshën 35 vjeç, “Marie” i foli sërish nënës së saj për abuzimin.
Fatkeqësosht nëna nuk e besoi kurrë.
Megjithatë, “Marie” nuk është e vetmja që përjetoi diçka kaq tronditëse. Dhjetëra viktima të tjera përmenden në raportin prej 2.500 faqesh të publikuar dje, ( 5 tetor) nga një komitet special i kryesuar nga Jean-Marc Souve./Ora News/
