EUROCONTROL, publikoi raportin për trafikun ajror të fluturimeve të kryera mes 18-24 janar, ku sipas raportit me mesatarisht 596 fluturime ditore THY javën e kaluar la pas rivalët e saj evropianë.
Aeroporti i Stambollit dhe Turkish Airlines (THY) renditen në krye të rivalëve të tyre në Evropë sipas të dhënave të Organizatës Evropiane për Sigurinë e Fluturimeve Ajrore (EUROCONTROL), raporton Anadolu Agency (AA).
EUROCONTROL, publikoi raportin për trafikun ajror të fluturimeve të kryera mes 18-24 janar. Sipas raportit, me mesatarisht 596 fluturime ditore THY javën e kaluar la pas rivalët e saj evropianë.
Ndërkohë edhe kompania ajrore Pegasus u rendit e pesta në listë, me mesatarisht 247 fluturime në ditë.
Në të njëjtin raport Aeroporti i Stambollit i cili ndodhet në pozicionin e portës së Turqisë që hapet në botë, është renditur i pari në mesin e aeroporteve në Evropë me mesatarisht 484 fluturime ditore në javën për periudhën 18-24 janar.
Aeroporti i Stambollit në krye
Aeroporti i Stambollit arriti fluturimet më të larta javore të premten më 22 janar, me 564 fluturime. Aeroporti i Stambollit ndiqet përkatësisht nga aeroportet Paris Charles De Gaulle, Amsterdam Schiphol dhe aeroporti i Frankfurtit.
Në një postim nga llogaria në median sociale të IGA (Istanbul Grand Airport) thuhet se “Në Evropë jemi të parët. Sipas të dhënave të Eurocontrol për periudhën 18-24 janar jemi aeroporti ku janë kryer më shumë fluturime të avionëve. Ju urojmë fluturime të shëndetshme dhe të sigurta”.
