Turqi, përkujtohet në 83-vjetorin e ndarjes nga jeta, Mustafa Kemal Ataturk

Ataturku u përkujtua nga qytetarë të Stambollit që dolën nga shtëpitë e tyre, disa të tjerë që dolën nga punishtet e tyre si dhe nxënës/studentë nga ballkonet e konvikteve.

Themeluesi i Republikës së Turqisë, lideri i madh Mustafa Kemal Ataturk është përkujtuar në 83-vjetorin e ndarjes nga jeta në orën 09:05 kur ai ka ndërruar jetë, raporton Anadolu Agency (AA).

Në metropolin më të madh të Turqisë, Stamboll jeta ndaloi me rënien e sirenave në orën 09:05 e cila është ora kur Ataturku ndërroi jetë.

Punonjësit që shkonin në punë, nxënësit që shkonin në shkollë, këmbësorët në mbikalime, personat në pritje nëpër stacione dhe shitësit ambulantë nëpër rrugë mbajtën qëndrim nderi për 2 minuta. Ataturku u përkujtua nga qytetarë të Stambollit që dolën nga shtëpitë e tyre, disa të tjerë që dolën nga punishtet e tyre si dhe nxënës/studentë nga ballkonet e konvikteve.

Në orën 09:05 trafiku ka ndaluar nëpër bulevarde dhe rrugë të qytetit. Drejtuesit e automjeteve zbritën dhe i ranë borisë duke shoqëruar qëndrimin e nderit. Gjithashtu është vërejtur se edhe drejtuesit e mjeteve mbi Urën Dëshmorët të 15 Korrikut ndaluan automjetet duke marrë pjesë në përkujtim.

Me rënien e sirenave në këmbë janë ngritur edhe udhëtarët në mjetet e transportit publik të metros, autobusë dhe metrobusë të cilët kishin edhe shenjën “1881-∞” në tabelat e drejtimit.

Në qëndrimin e nderit në orën 09:05 u përfshinë edhe qytetarët e Stambollit që bënin ecje në bregdet si dhe peshkatarët mbi urën e Gallatës.

Qytetarët e Stambollit pas qëndrimit të nderit shoqëruan edhe himnin kombëtar.

Me rënien e sirenave, pjesë e qëndrimit të nderit u bënë edhe ekipet e policisë që kryejnë detyrën në qytet.

Kategoritë
BotaLajme