Ismail Demir, kreu i Presidencës së Industrive të Mbrojtjes të Turqisë, tha se me aftësitë e saj të përparuara, industria turke e mbrojtjes vazhdon të hapet në botë.
Turqia ka eksportuar dronët e saj autonomë sulmues Kargu, të njohur gjithashtu si dronë kamikaze, prodhuar nga kompania turke e mbrojtjes STM për herë të parë, transmeton Anadolu Agency (AA).
Pas negociatave të nivelit të lartë, është nënshkruar kontrata e parë për eksportet e dronëve Kargu, tha STM në një deklaratë.
“Sipas kontratës, dorëzimi i dronëve Kargu do të përfundojë në vitin 2021”, tha kompania.
Vendi i destinacionit për eksportet e dronëve nuk është njoftuar ende.
Ismail Demir, kreu i Presidencës së Industrive të Mbrojtjes të Turqisë, tha në Twitter se me aftësitë e saj të përparuara, industria turke e mbrojtjes vazhdon të hapet në botë.
Me aftësitë e tij të avancuar të vizionit, Kargu mund të funksionojë si një platformë e vetme dhe si pjesë e tufës deri në 20 platforma, siç është testuar në ushtrimet që filluan të kryheshin më 2019.
Kargu tashmë përdoret në mënyrë efektive nga Forcat e Armatosura Turke në terren.
