Turqia nuk do të marrë pjesë në stërvitjen “Tiger Meet” për të mos lejuar provokimin e Greqisë.
Vendimi i marrë më 22 prill u dërgua për t’iu përcjellë autoriteteve greke.
Një stërvitje e quajtur “Tiger Meet” mbahet çdo vit në një vend të ndryshëm për të nxjerrë në pah solidaritetin midis flotës së vendeve pjesëmarrëse, thirrja e të cilëve është Tigër (Tiger).
Stërvitja, e organizuar nga Turqia në 2005 dhe 2015, këtë vit është planifikuar të organizohet nga Greqia midis datave 9-20 maji.
Sipas informacioneve të marra nga burimet e sigurisë, ishte planifikuar që në stërvitjen, e cila do të zhvillohej me pjesëmarrjen e elementëve të Flotës 192 të quajtur “Tiger Call” të stacionuar në Komandën e 9-të të Bazës kryesore Jet në rrethin Balikesir, do të marrin pjesë edhe vendet aleate.
Është konstatuar se Greqia, e cila përgatiti tekstin e sivjetmë të rregullores teknike të përgatitur nga vendi mirëpritës për ekzekutimin e aktiviteteve përpara çdo stërvitjeje, ka bërë shtesa në dokumentin në fjalë me një qasje që synon Turqinë dhe shfrytëzon mosmarrëveshjet mes dy vendeve.
Komanda e Forcave Ajrore mori masa ndaj këtyre shtesave të qëllimshme dhe kërkoi ndryshimin e rregullores teknike që përmbante tekste në kundërshtim me të drejtën ndërkombëtare. Kërkesat e vazhdueshme të Turqisë nuk u pranuan nga Greqia.
Sipas kësaj, Turqia vendosi që të mos marrë pjesë në stërvitje në fjalë me arsyetimin se Greqia manipuloi aktivitetin në përputhje me interesat e saj politike.
Mësohet se vendimi i marrë më 22 prill që elementët e Forcave Ajrore Turke të mos marrin pjesë në stërvitje është dërguar për t’iu përcjellë autoriteteve greke.
Burimet e sigurisë thanë se me gjithë përpjekjet dhe nismat pajtuese të Turqisë, Greqia nuk mundi të tolerojë as pjesëmarrjen e fqinjit të saj në një stërvitje.
Burimet raportuan se me këtë qëndrim të Greqisë, ajo e distancoi stërvitjen nga qëllimi i miqësisë dhe ndërveprueshmërisë dhe u përpoq ta përdorte stërvitjen kundër të drejtave dhe interesave të Turqisë.
