Ushtarët izraelitë ndërhynë në fshatin Beit Dejin me plumba të vërtetë dhe plastike dhe gaz lotsjellës kundër palestinezëve që protestonin ndaj vendbanimeve të paligjshme hebreje, njoftoi Ministria palestineze e Shëndetësisë
Një palestinez ka rënë dëshmor si pasojë e ndërhyrjes së forcave izraelite në një demonstratë kundër vendbanimeve ilegale hebreje në Bregun Perëndimor të pushtuar, transmeton Anadolu Agency (AA).
Në një deklaratë me shkrim nga Ministria palestineze e Shëndetësisë thuhet se ushtarët izraelitë ndërhynë në fshatin Beit Dejin në lindje të Nablusit me plumba të vërtetë dhe plastike dhe gaz lotsjellës kundër palestinezëve që protestonin ndaj vendbanimeve të paligjshme hebreje.
Në deklaratë thuhet se një palestinez ra dëshmor pasi u qëllua në kokë kur ushtarët izraelitë hapën zjarr ndaj demonstruesve.
Burimet lokale raportuan se bëhet fjalë për palestinezin Atif Hanayishe, 48 vjeç, i cili ishte muezin në një xhami në fshat.
