Presidenti i Serbisë Aleksandër Vuçiç gjatë fjalës së tij në Forumin Ekonomik të Shkupit deklaroi se objektiv i nismës rajonale është që në janar të 2023 të hiqen kufijtë e lëvizjes në Ballkan mes Shqipërisë, Serbisë dhe Maqedonisë së Veriut.
E ndërsa theksoi se numri i serbëve që vendosin që të kalojnë pushimet në bregdetin e Shqipërisë është gjithnjë e më shumë në rritje, ai rrëfeu edhe përfitimet që do të kenë qytetarët e këtyre tre vendeve nëse hiqen barrierat kufitare.
“A mund të bëjmë diçka të madhe, nëse shkojmë nëpër Novisad, Nish, Shkup dhe pastaj Tiranë dhe Durrës, atëherë mund të bëjmë diçka të madhe.
Dje kemi përcaktuar edhe detyrë, njëri kusht është të ndërtojmë besimin, i dyti është që ne tre vende t’i realizojmë, nëse do të kalojmë të gjitha dobësitë e administratave tona dhe nëse bëjmë këtë në 1 janar të 2023 ne nuk do të kemi më kufij mes vendeve tona, kalimet kufitare do të ekzistojnë por jo për qytetarët tanë dhe nga Tirana në Beograd askush nuk do ju ndalë dhe t’ju pyes. Të futemi në një sistem të vetëm.
Ekzistojnë dallime mes nesh, të gjithë do të ruajnë sovranitetin, por të gjithë qytetarët do të jenë të sigurt. Të përpilojmë një iniciativë, të ketë lirime, bileta për transport, trena, pikë pagesat rrugore, të çmimeve të restoranteve dhe hoteleve, nëse jeni nga këto tre vende të kenë ulje prej 3-5-10% atëherë njerëzit do të mund të ndjejnë përse kjo është e mirë. Pasi njerëzit që do të vijnë në Serbi apo Maqedoni do të thonë “unë kurseva disa lekë”.
Qytetarët tanë që shkojnë në det në Shqipëri dhe gjithnjë e më shumë janë këta turistë, do të kënaqen shumë edhe në pritjen e shqiptarëve, do të thonë edhe në kemi dobi dhe gjithë ajo që kemi planifikuar të shpenzojmë kemi kursyer” tha ai.
