Autoritetet indoneziane kanë konfirmuar se një Sriwijaya Air Boeing 737-500 u rrëzua në det dhe ekipet e shpëtimit tashmë po gjejnë pjesë të rrënojave.
Ministri indonezian i Transportit tha se avioni u rrëzua në det, raporton BBC.
Buda Karya Sumadi tha se avioni u rrëzua jo shumë larg nga një ishull afër.
We’re receiving videos and images transferred by the the rescue team #SJ182 https://t.co/gjxIxEX22N pic.twitter.com/Z25P4dfZOt
— AIRLIVE (@airlivenet) January 9, 2021
“Peshkatarët vendas ishin ndër të parët që panë objekte duke rënë në ujë rreth ishullit Male dhe ishullit Lancanga, ata thanë se ndienin dridhje tokësore pasi avioni u rrëzua pranë një vendbanimi në Lancanga,” thanë autoritetet lokale.
Sipas informacionit të fundit, në aeroplan ishin 56 pasagjerë.
Një zëdhënës i Ministrisë Indoneziane të Transportit tha se fluturimi SJ182 po nisej nga Xhakarta për në Pontianak dhe se kontakti humbi kur avioni ishte mbi Detin Java.