Kushdo që shkon me 100 euro në dyqan, do ta vërejë dukshëm efektin e inflacionit.
Krahas shtrenjtimit të shportës bazike për konsumatorë, norma vjetore e inflacionit për muajin maj, sipas Agjencisë së Statistikave, ka shkuar në 12.5%.
Kjo situatë e ka alarmuar opozitën. Madje LDK do të propozojë rezolutë dhe debat parlamentar që mbahet javën e ardhshme.
Këto ide po i kundërshton pushteti, që thotë se këto masa do t’i trashnin vetëm fitimet e bizneseve.
Ministri i Financave, Hekuran Murati, paralajmëroi diçka tjetër.
“Po punojmë për një vendim që cakton çmim tavan dhe marzhë maksimale të fitimit, sepse në situata të tilla të jashtëzakonshme, është e domosdoshme që Qeveria të ndërhyjë në treg për të stabilizuar çmimet”, shkroi Murati në Facebook.
Kurse ekonomisti Medain Hashani sugjeron heqje dorë nga investimet kapitale për një kohë, duke e rishikuar buxhetin dhe duke e koncentruar atë në subvencione.
Inflacioni i majit ishte me i larti që nga korriku i 2008-ës, kur norma kishte shkuar në 14.1%.
