15 viktima në Greqi. Një varkë fundoset, tjetra përplaset me shkëmbin

Të paktën 15 emigrantë humbën jetën në orët e para të mëngjesit në detin mes Lesvos dhe Turqisë, kur një gomone që po transportonte në Greqi u fundos në brigjet e ishullit grek.

Deri më tani janë shpëtuar nëntë gra dhe janë dërguar në spitalin e Mitilinit.

Sipas tyre në bord ndodheshin rreth 40 persona, kështu që operacioni i kërkim-shpëtimit është duke u zhvilluar në kushte ekstreme të motit.

Roja bregdetare tha se 15 trupa ishin gjetur pranë ishullit lindor të Lesbos. Pesë persona u shpëtuan dhe tre ishin vendosur në një dalje shkëmbore pranë vendit të fundosjes.

Një përpjekje e dytë e shpëtimit u krye disa qindra kilometra (milje) në perëndim, pranë ishullit Kythira, ku një varkë me rreth 100 emigrantë goditi shkëmbinjtë dhe u mbyt.

Zyrtarët thanë se 30 njerëz u shpëtuan pasi varka u perplas me shkëmbinjtë në portin e fshatit Diakofti.

Forcat e shërbimit zjarrfikës ulën litarët për të ndihmuar emigrantët të ngjiteshin mbi shkëmbinj.

Një shkollë u hap për të siguruar strehim për të shpëtuarit. Shumica e emigrantëve që arrijnë në Greqi udhëtojnë nga Turqia fqinje, por kontrabandistët kanë ndryshuar rrugë muajt e fundit në një përpjekje për të shmangur ujërat e patrulluara rreth ishujve grekë pranë vijës bregdetare turke.

Kythira është rreth 400 kilometra (250 milje) në perëndim të Turqisë dhe një rrugë që shpesh përdoret nga kontrabandistët për të anashkaluar Greqinë e për t’u nisur drejtpërdrejt në Itali. /Euronews albania

Kategoritë
BotaLajme