hkollat Ndërkombëtare Maarif të Kosovës kanë spikatur në vitin 2024 me sukseset e tyre në gara kombëtare dhe ndërkombëtare. Nxënësit tanë kanë treguar performancë të shkëlqyer në fushat e shkencës, teknologjisë, matematikës, sportit dhe gjuhëve, duke bërë krenarë jo vetëm shkollën tonë, por edhe Kosovën.
Në dhjetor, në Samitin e 4-të Ndërkombëtar të Arsimit në Stamboll, të organizuar nga Fondacioni Maarif i Turqisë dhe me një mesazh të dërguar nga Presidenti Recep Tayyip Erdoğan, shkollat International Maarif Schools of Kosova arritën një sukses të madh. Në këtë samit, shkollat tona u shpërblyen me Çmimin Kombëtar në kategorinë “Good Practices in Education” dhe fituan çmime të tjera me projektet “Little Travelers” (Kosovë-Etiopi) dhe ” Maarif Environmental Volunteers “. Këto çmime konfirmojnë kontributin dhe sukseset ndërkombëtare të shkollës sonë në arsim.
Në Olimpiadën Ndërkombëtare STEM, të mbajtur në Hagë-Holandë, ku morën pjesë mbi 570 nxënës nga 117 vende, nxënësja jonë Ela Naz Yılmaz u shpall kampione bote në kategorinë e shkencës. Nxënësit tanë fituan gjithsej 9 medalje ari, 2 argjendi, 3 bronzi dhe 5 medalje nderi. Ky sukses historik është dëshmi e talentit dhe përkushtimit të nxënësve tanë në fushën e shkencës dhe teknologjisë.
Në Finalen e Madhe Hi-Lingua, të zhvilluar në Hagë, nxënësit tanë shfaqën aftësitë e tyre gjuhësore duke fituar 2 medalje ari, 1 argjendi dhe 1 bronzi. Ndërsa në maj, në garën Eurasian Spelling Bee për aftësi leksikore, nxënësi ynë Fatih Hasani u rendit i treti për performancën e tij të jashtëzakonshme në gjuhën angleze.
Nxënësit tanë, Erdi Shatri dhe Ismail Shala, së bashku me mësuesin tonë të robotikës, Sylejman Ramadani, morën pjesë në Garën e 16-të të Robotikës të MEB, të mbajtur në Turqi nga 16-19 tetor. Ata arritën një sukses të madh duke u renditur në vendin e 16-të nga 61 ekipe.
Në garat lokale, në Ligën e Robotikës Kosova Makers League (KML), nxënësit tanë fituan vendin e parë në Prizren dhe u renditën të katërt në nivel kombëtar. Në Prishtinë, ata u renditën të tretët, duke u pozicionuar ndër 15 më të mirët në Kosovë.
Në Olimpiadën e Matematikës Kangaroo, nxënësi ynë Fatih Hasani, në kategorinë e klasave të 7-ta dhe të 8-ta, u rendit në kategorinë “Best of the Best,” duke treguar aftësitë e tij të shkëlqyera në matematikë.
Një tjetër sukses erdhi nga nxënësi ynë i klasës së 8-të, i cili më 5 tetor, në Turneun TOP 8 të Pingpongut në Ferizaj, fitoi vendin e parë në kategorinë U13 dhe u përzgjodh për të përfaqësuar Kosovën në aktivitetet botërore të pingpongut U15 në Prizren.
Nxënëset tona të klasës së 10-të morën pjesë në turneun e volejbollit të grave të organizuar nga KFOR-i Turk dhe arritën të hyjnë në gjysmëfinale.
Në Olimpiadën e Matematikës, shkollat International Maarif Schools of Kosova shënuan rezultate të jashtëzakonshme në nivel komunal dhe kombëtar. Në garën komunale në Prizren, nxënësit tanë fituan vendin e parë, ndërsa në garën kombëtare të Kosovës, Uvejs Emini u rendit i treti.
Nxënësi ynë, Daris Veseli, fitoi vendin e dytë në Turneun e Shahut të organizuar në shkollën ILG, duke tejkaluar shumë lojtarë të talentuar.
Në garat e Pingpongut të Komunës së Prizrenit, nxënësit tanë shënuan sukses të madh duke fituar vendin e parë në kategorinë e djemve për nivelin e mesem të ulët dhe kategorinë e vajzave për nivelin e mesëmetë lartë, si dhe vendin e dytë në kategorinë e vajzave të nivelit të mesëm të ulët.
Shkollat International Maarif Schools of Kosova vazhdojnë të tregojnë lidershipin e tyre në arsim duke shënuar suksese në platforma kombëtare dhe ndërkombëtare si NEO Science, STEM Olimpiadat, Hi-Lingua, Olimpiadat e Matematikës Kangaroo dhe Kosova Makers League. Këto arritje reflektojnë përkushtimin e shkollës sonë për të rritur cilësinë e arsimit dhe për të ruajtur lidershipin e saj në edukimin e Kosovës.
Në fund të vitit, 11 nxënës të Shkollave Ndërkombëtare Maarif të Kosovës arritën të kualifikohen për Finalen e Madhe në NEO Science, që do të mbahet në qershor në New York, duke treguar suksesin e tyre të jashtëzakonshëm në kategorinë e Biologjisë.
