Rreth 600 kolonë fanatikë hebrenj të shoqëruar nga policia izraelite hynë në oborrin e Xhamisë Al-Aksa në Jerusalemin Lindor të pushtuar me pretekstin e ditës së themelimit të Izraelit.
Rreth 600 kolonë fanatikë hebrenj të shoqëruar nga policia izraelite hynë në oborrin e Xhamisë Al-Aksa në Jerusalemin Lindor të pushtuar me pretekstin e ditës së themelimit të Izraelit.
Administrata e Fondacioneve Islame të Jerusalemit, e cila është përgjegjëse për administrimin e Kompleksit Al-Aksa, njoftoi me një deklaratë me shkrim se që nga mëngjesi, hebrenjtë fanatikë kanë bastisur xhaminë në grupe, nën mbrojtjen e policisë izraelite.
Në deklaratën e dytë, fondacioni tha se rreth 50 palestinezë që protestonin kundër bastisjes nga hebrenjtë fanatikë u arrestuan nga policia izraelite.
Ndërkohë, në mediat lokale u shfaqën foto që tregonin Yomtob Kalfon, një deputet nga Partia “Yamina” e udhëhequr nga Kryeministri izraelit Naftali Bennett, duke u bashkuar me grupet që bastisën xhaminë.
Sipas dëshmitarëve okularë, disa hebrenj fanatikë u përpoqën të ngrinin flamurin izraelit në Aksa, ndërsa të tjerë kënduan himnin kombëtar të Izraelit.
Policia izraelite përdori forcën për të ndërhyrë ndaj një grupi që protestonte kundër bastisjes së kolonëve duke u falur në xhami.
Gjysmëhëna e Kuqe Palestineze tha se dy palestinezë u plagosën në Al-Aksa pasi u qëlluan nga policia izraelite.
Dhjetëra policë izraelitë u vendosën në zonë përpara se hebrenjtë fanatikë të bastisnin xhaminë në orët e para të mëngjesit. Palestinezët nuk u lejuan të hynin në xhami.
Forcat izraelite përdorën gaz lotsjellës dhe plumba gome kundër besimtarëve, ndërsa palestinezët u përgjigjën me slogane.
Gjatë ndërhyrjes policia izraelite detyroi disa njerëz të futen në Xhaminë e Kibles dhe më pas lidhi dyert e xhamisë me zinxhirë, duke i bllokuar besimtarët brenda.
Ditë më parë, organizatat fanatike izraelite të kolonëve hebrenj kryen bastisje në shkallë të gjerë në Xhaminë Al-Aksa për të shënuar përvjetorin e themelimit të Izraelit, duke bërë thirrje për ngritjen e flamurit izraelit në Aksa.
Në përgjigje, aktivistët dhe klerikët palestinezë u kërkuan palestinezëve të vizitojnë Kompleksin Al-Aksa.
