Kryeministri slloven Robert Golob (56) u shfaq për herë të parë në një event publik me zonjushën Tina Gaber, 20 vjet më e vogël nga ai, me të cilën është në një lidhje.
Gjegjësisht, ata të dy “krah për krah” arritën në ndarjen e çmimeve të Preshernit në Lubjanë. Ata u prezantuan nga motra e saj Ušrka Gaber, e cila punonte në kompaninë e tij të mëparshme Gen-I.
Tina ka qenë më parë në një lidhje me këngëtarin Jan Plestenjak, ndërsa ka pasur edhe zëra se ajo është takuar me ish-ministrin slloven të Transportit Patrik Vlaçiq.
Ajo është e njohur për publikun slloven si një ish-Miss Hawaiian Tropic, prezantuese televizive, sipërmarrëse dhe ndikuese. Ajo u pa në selinë zgjedhore të Robertit vitin e kaluar. Ai ishte i martuar me Janja Nemec, pronare e Star Solar.
Lajmi për lidhjen e Tinës dhe Robertit u publikua në mediat vendase pak javë më parë, por çifti nuk u reklamua zyrtarisht. Kabineti i tij iu përgjigj pyetjes së një gazetari se ata nuk komentojnë jetën e tij private.
