Ndoshta nuk e keni vërejtur që në plastikën përreth kolonës së timonit në makinën tuaj është gdhendur një çelës i vogël. Ndoshta edhe ju e keni, kontrolloni.
Shumë vite më parë, çelësat tradicionalë për hapjen dhe ndezjen e makinave u zëvendësuan me çelësa më të sofistikuar që na lejojnë të hapim dyert dhe të ndezim motorin nga distanca, pa e nxjerrë çelësin nga xhepi. Kohët e fundit janë shfaqur sisteme më të avancuara që na lejojnë të bëjmë të njëjtën gjë me telefonin ose thjesht duke afruar dorën te doreza e derës. Megjithatë, mund të ndodhë që sistemi të dështojë ose bateritë e çelësit inteligjent të shterojnë. Si mund të futeni në kabinë ose ta ndizni makinën tuaj atëherë?
Çelësat inteligjentë përmbajnë një çelës klasik të fshehur, të cilin mund ta merrni lehtësisht. Por pasi të jeni futur në makinë, si ta ndizni nëse makina juaj ndizet me buton? Për këtë shërben çelësi i vogël i gdhendur, zakonisht në kolonën e timonit ose në konzolën qendrore, shkruan Auto Klub.
Thjesht afroni çelësin tuaj pranë atij simboli të gdhendur dhe sistemi do të deshifrojë makinën, dhe sado të jetë e zbrazur bateria e çelësit, do të mund ta ndizni makinën me buton.
