Marka gjermane Adidas ka nisur së fundmi një fushatë në Suedi për sportistët që agjërojnë gjatë muajit të Ramazanit.
Fushata, e titulluar “Nga lindja e diellit në perëndimin e diellit”, ndan këshilla për atletët myslimanë se si të stërviten me sukses ndërsa agjërojnë gjatë muajit të Ramazanit.
“Megjithë interesin në rritje për trajnime gjatë Ramazanit, informacionet disi ndahen. Shumë muslimanë agjërojnë gjatë Ramazanit dhe duan të vazhdojnë stërvitjet e tyre, por nuk dinë realisht si ta bëjnë këtë”, tha Menaxher i Komunikimit të Markës Redwaan Hossain.
Sipas revistës suedeze të biznesit Resume, ka rreth një milion muslimanë që jetojnë në Suedi, e cila ka një popullsi prej pak më shumë se 10 milion, dhe fushata ka tërhequr disa partnerë të profilit të lartë, duke përfshirë Shoqatën Suedeze të Futbollit, Shoqatën Suedeze të Basketbollit dhe Grupi i Maratonës.
Fushata përkon me ndryshimet demografike në Suedi, pasi vendi ka pranuar shumë emigrantë nga vendet me shumicë myslimane dhe ka lëshuar mbi një milion leje qëndrimi për të huajt në vetëm dhjetë vjet.
