Modelja Adriana Lima kaloi edhe një herë në tapetin e kuq të Festivalit të Filmit në Kanë dhe u bë cak i kritikave për pamjen e saj.
Në premierën e filmit “Killers of the Flower Moon”, me regji të Martin Scorsese, ajo u shfaq me një fustan të gjatë të mbuluar me temina. Përdoruesit e Twitter mendojnë se ky krijim nuk i shkon dhe se duhet të përpiqet të humbasë peshë.
“Është koha për t’u rregulluar”, “A jeni parë në pasqyrë para se të shkoni në tapetin e kuq?”, “Bruto. A ka kjo grua një stilist?”, “Duhet të shkoni më shpesh në palestër”, janë disa komentet mizore në llogarinë e saj.
Së fundmi ajo ka deklaruar se ndonjëherë ndihet e pasigurt dhe duhet t’i kujtojë vetes çdo ditë se është njeri.
“Unë linda një fëmijë. Kështu që sapo krijova një jetë. Është një bekim i tillë. Çdo trup reagon ndryshe gjatë dhe pas shtatzënisë,” tha ajo.
Përveç djalit të saj Cyan, të cilin e kishte në gushtin e kaluar me të dashurin e saj Andre Lemmers, modelja ka edhe vajzat Sienna dhe Valentina nga martesa me basketbollistin serb Marko Jarić.
