Futbollisti i talentuar kroat Mario Vušković u shpall fajtor për doping në fund të muajit të kaluar, pas së cilës u suspendua për dy vjet.
Ky lojtar 21-vjeçar dështoi në një test dopingu në mesin e shtatorit të vitit të kaluar pasi në kampionin e tij të urinës u gjetën gjurmë të eritropoietinës.
Gjetjet treguan se ai ishte pozitiv për EPO, pra doping në gjak. Është një hormon që stimulon prodhimin e rruazave të kuqe të gjakut, gjë që në fund lejon gjakun të thithë më shumë oksigjen në trup.
Pas një shqyrtimi themelor të shpjegimit të vendimit, Agjencia Kombëtare Anti-Doping (NADA) paraqiti një ankesë kundër vendimit të Gjykatës Sportive të Federatës Gjermane të Futbollit (DFB) dhe kërkoi që Vušković të zgjatej dënimi nga dy në katër vjet të pezullimit.
“Nuk do ta lejoj këtë të më thyejë, do të luftoj deri në fund me gjithçka që kam për të vërtetuar të vërtetën”, ka postuar ai në profilin e tij në Instagram disa ditë pas vendimit të dhënë të enjten e kaluar.
Ndalimi fillestar i vendosur nga Gjykata Sportive e DFB-së duhet të zgjasë deri më 14 nëntor të vitit të ardhshëm. Sapo u shpall vendimi, klubi i Vushkoviçit, Hamburg SV, njoftoi një ankesë në Gjykatën Federale të DFB-së në marrëveshje me avokatët e lojtarit.
