Gjatë dy javëve të ardhshme Ansambli i Këngëve dhe i Valleve “ Lidhja e Prizrenit “ nga Prizreni do të merr pjesë në dy festivale ndërkombëtare: në festivalin ballkanik ndërkombëtarë të folklorit e i cili mbahet në Ulqin të Malit të Zi, dhe në festivalin e qytetit të Gjirokastrës.
Festivali i Ulqinit mbahet data 23 deri me 25 shtatorë dhe organizohet në mbyllje së sezonit turistik. Marrin pjesë 15 grupe nga Evropa, ndërsa Ansambli “ Lidhja e Prizrenit “ me grupin e të rriturve do të përfaqësoj Republikën e Kosovës me këngë dhe valle popullore folklorike e burimore . Në pallatin e kulturës dhe në kalanë e Ulqinit, përgjatë tri ditëve të festivalit do të shfaqen tri koncerte nga grupet pjesëmarrëse. Po ashtu Ansambli ‘ Lidhja e Prizrenit “ do të merr pjesë edhe në festivalin ndërkombëtarë “ Argjiro 2016 “ në Gjirokastrën e gurtë të UNESKO-s, nga data 30 shtator deri më 2 tetor.
Në këtë festival , Ansambli “ Lidhja e Prizrenit “ dhe ansambli Kombëtarë “Shota” do të përfaqësojnë Republikën e Kosovës, krahas shumë grupeve tjera ndërkombëtare nga rajoni dhe Evropa si: Turqia, Qipro, Kroacia, Bullgaria, Mali i Zi, Rumania, Greqia,Bosnja e Hercegovina, Hungaria, Shqipëria, Maqedonia etj…Festivali ndërkombëtarë “ ARGJIRO 2016 “ ka karakter revial dhe shënon edicionin e 10 dhe është vit jubilar.
Drejtori i AKV “Lidhja e Prizrenit, Jeton Qafleshi njofton se Ansambli “ Lidhja e Prizrenit” në këtë festival merrë pjesë për të tretën here me radhë,e ftuar nga Bashkia e Gjirokastrës. “Ftesa na vjen falë seriozitetit, cilësisë dhe punës së madhe që bëhet në Ansambël” tha ai për Gazetaere.
Ky festival përveç që shënon vitin jubilarë , i dedikohet 80 vjetorit të Lindjes së shkrimtarit të madh Shqiptarë Ismail Kadare, i cili edhe do të jetë prezent në festival. Përgjatë tri ditëve përveç do të ketë edhe shumë aktivitete tjera si: Panairi i Artizanateve, Ekspozita fotografike, etnografike dhe pikture te shtëpia e Ismail Kadares. “Ansambli “Lidhja e Prizrenit” me këto pjesëmarrje dhe shumë aktivitete të tjera gjatë dy muajve të ardhshëm shënon dhjetë vjetorin e themelimit.
“Do të organizojmë koncerte, ekspozitë të fotografive të aktiviteteve tona, do ta botojmë monografinë, do ta shfaqim një film dokumentar, si dhe do organizojmë tryezë shkencore për folklorin etj. Do të mundohemi sa më denjësisht ta shënojmë dhjetëvjetorin e themelimit thotë Qafleshi./Gazetaere.com/
