Ambasadori i Izraelit në Serbi, Jahel Vilan, mohoi gjenocidin në Srebrenicë duke thënë se Izraeli do të kishte votuar për një rezolutë për Srebrenicën në OKB, nëse do të besonte se atje kishte ndodhur gjenocid.
“Ne kurrë nuk e kemi pranuar termin gjenocid sipas asaj që ndodhi në Srebrenicë”, tha ambasadori i Izraelit në Serbi.
Ai tha për Tanjug “se një krim shumë i rëndë lufte ka ndodhur patjetër atje, por nga këndvështrimi izraelit, ai nuk përfaqëson termin gjenocid”.
Vilani së shpejti do të largohet nga Serbia sepse i ka përfunduar mandati.
Përkundër këtij mendimi të diplomatit izraelit, dy gjykata të Kombeve të Bashkuara (OKB) vendosën se ushtria dhe policia serbe e Bosnjës kanë kryer gjenocid në Srebrenicë.
Gjykata Ndërkombëtare e Drejtësisë e dënoi Serbinë për shkeljen e Konventës për Parandalimin e Krimit të Gjenocidit sepse ajo nuk bëri mjaftueshëm për të parandaluar gjenocidin në Srebrenicë, dhe Gjykata Ndërkombëtare për ish-Jugosllavinë deklaroi në disa aktgjykime se gjenocidi ndodhi në Srebrenicë. .
Asambleja e Përgjithshme e OKB-së miratoi një rezolutë që shpalli 11 korrikun si Ditën Ndërkombëtare të Përkujtimit të Gjenocidit të Srebrenicës, kundër së cilës Serbia zhvilloi një fushatë të ashpër diplomatike në të cilën u mund përfundimisht. Izraeli është një nga vendet që nuk ka votuar fare.
