Presidenti serb Aleksandar Vuçiq u takua me ambasadoren e Britanisë së Madhe në Beograd, Sian MacLeod.
Ambasadori britanik është shfaqur në takimin me Vuçiqin i veshur me një shall me motive ukrainase dhe vargje nga himni kombëtar ukrainas.
Siç shihet në fotot e disponueshme nga takimi, shalli, i stilizuar në një kombinim të ngjyrave të verdhë dhe blu që të kujtojnë flamurin ukrainas, mbante mbishkrimin “Згинуть наши вороги,/Як роса на сонці;/Zapanuêm, brattya j mi /U svoj strani” .
Të përkthyer nga ukrainishtja, ato vargje lexojnë “Armiqtë tanë do të vdesin/si vesa në diell/Dhe ne do të sundojmë, vëllezër/në atdheun tonë”.
Vuçiq më parë ka takuar ambasadorin amerikan Christopher Hill.
Mediat ruse e kanë cilësuar këtë veprim si “provokim” dhe “sjellje jodiplomatike”, por duket se presidenti serb, nisur nga deklarata në llogarinë e tij zyrtare në Instagram, nuk e ka pasur problem me shallin e ambasadorit MacLeod.