Ndeshjet e dyta në grupe të Kampionatit Evropian të Femrave 2022, një nga ekskluzivitetet e Radio Televizionit Shqiptar, shohin Grupin A në skenë me Anglinë dominuese ndaj Norvegjisë. Ishte ndeshja më e pritur e grupit mes dy skuadrave pretendente, por nuk kishte histori: në Falmer Stadium në Brighton, vendaset fshinë skuadrën nordike 8-0 me tripletën e Bethany Mead dhe dopietën e Ellen Ëhite.
Ndeshja mori drejtim që në 15 minutat e para me avantazhin e dyfishtë, për të vazhduar më tej në të njëjtin drejtim, sikur në fushën e lojës ishte një skuadër. Golat u shënuan nga Stanway (12′ me penallti), Hemp (15′), White (29′ dhe 41′), Mead (34′, 38′ dhe 82”) dhe Russo (66′).
Anglia ngjitet në kuotën e 6 pikëve, matematikisht biletën për në çerekfinale, ndërsa për Norvegjinë gjithçka shtyhet për ndeshjen e radhës ku do të jetë e detyruar të fitojë.
Në Mary’s Stadium të Southampton, Austria nënshkroi fitoren e saj të parë në kompeticion, duke mposhtur Irlandën e Veriut 2-0 falë golave të Katharina Schiechtl (19′) dhe Katharina Elisa Naschenweng (88′). Sukses i rëndësishëm për Austrinë, e cila me humbjen e madhe të Norvegjisë do të mund të luajë kalimin për fazën tjetër në ndeshjen direkte.
