Anija lundruese e shpimit për hidrokarbure “Abdulhamit Khan” po shkon drejt lokacionit Yörükler-1, që ndodhet 55 kilometra në jug të rajonit të “Gazi Pashës” në Turqinë jugore, siç njoftoi sot Erdogan.
Rexhep Tajip Erdogan ishte në zonën përballë platformës së shpimit , ku mbajti fjalimin e tij. Pak më parë, Erdogan fluturoi me avionin presidencial mbi anije, duke postuar edhe një foto në Twitter.
Presidenti turk e quajti Abdulhamid Khan një simbol të Ankarasë në sektorin e energjisë.
“Turqia”, vuri në dukje ai, ka një flotë shpimi “të rrallë” në botë, me anijet Fatih, Kanuni, Yavuz dhe Abdul Hamid Khan. Sipas Erdogan, Turqia ndodhet në zonën e kërkimit të gazit me katër anijet e saj shpuese dhe dy anije të vëzhgimit sizmik.
Ekuipazhi është nisur drejt Mesdheut, ku sipas presidentit Erdogan, Turqia po kryen operacione kërkimi dhe shpimi në zonat “brenda juridiksionit të saj”.
” Ne nuk kemi nevojë për lejen e askujt për këtë, ” tha ai.
Dhe më tej ai theksoi se “ne do të dërgojmë anijen Abdulhamid Khan në depozitën Yörükler-1 , 55 kilometra jashtë “Gazi Pashës”. Pusi Yörükler-1 është hapi i parë i planit tonë gjithëpërfshirës të biznesit në Mesdheun Lindor.”
Presidenti turk inspektoi platformën e shpimit dhe pasi diskutoi me zyrtarë. Presidenti turk tha se vendi i tij tani është një nga vendet e pakta në planet që mund të kryejë shpime vetë: “Ne kemi një flotë unike dhe me përgatitjet e duhura kemi shpuar në Mesdhe dhe Detin e Zi. Nuk është e lehtë të gjesh depozita, por sa më shumë të shikojmë, aq më shumë ka gjasa të zbulojmë. Ne do të paraqesim rezultatet përfundimtare të shpimeve në Detin e Zi deri në vitin 2023”, shtoi ai.
