Dekreti mbretëror përkujton “fillimin e mbretërimit të Imam Muhamed bin Saudit” dhe shënon “themelimin e tij të shtetit të parë saudit” në vitin 1727
Mbreti i Arabisë Saudite Salman bin Abdulaziz Al-Saud lëshoi një dekret mbretëror për të shënuar 22 shkurtin si Ditën e Themelimit për krijimin e shtetit të parë saudit, transmeton Anadolu Agency (AA).
Sipas agjencisë zyrtare saudite të shtypit, dekreti mbretëror përkujton “fillimin e mbretërimit të Imam Muhamed bin Saudit” dhe shënon “themelimin e tij të shtetit të parë saudit” në vitin 1727.
Dekreti thekson se shteti i parë saudit, i cili zgjati deri në vitin 1818, “siguroi unitet dhe siguri në Gadishullin Arabik pas shekujve të copëtimit, përçarjes dhe paqëndrueshmërisë”.
Dita e Themelimit do të jetë festë shtetërore.
Arabia Saudite feston Ditën e saj Kombëtare çdo vit më 23 shtator, ditë që shënon themelimin e Mbretërisë së Arabisë Saudite në vitin 1932.