Arkeologët kanë zbuluar eshtrat e ruajtura mirë të dy burrave që vdiqën në një shpërthim vullkanik që shkatërroi qytetin antik romak të Pompeit në 79, tha Ministria Italiane e Kulturës.
Njëri besohet të ketë qenë një burrë me status të lartë shoqëror, i moshës 30 deri 40 vjeç, i cili ende ka gjurmë të një manteli leshi nën qafë, raporton CNN. Tjetri, ndoshta midis moshës 18 dhe 23 vjeç, ishte veshur me tunikë dhe kishte disa rruaza të shtypura, duke treguar që ai ishte një skllav duke bërë punë të vështirë.
Mbetjet u gjetën në Civita Giuliana, 700 metra në veriperëndim të qendrës së Pompeit antik, në një dhomë nëntokësore në zonën e një vile të madhe që po gërmohej.
Dhëmbët dhe kockat e burrave u ruajtën dhe boshllëqet e lëna nga indet e tyre të buta u mbushën me allçi, e cila u la të ngurtësohej dhe më pas gërmohej për të treguar skicat e trupave të tyre.
“Këto dy viktima mund të kenë kërkuar strehim kur u morën nga një lumë gazi i nxehtë rreth orës 9 të mëngjesit. Eshtë një vdekje nga goditja termike, siç tregohet nga këmbët dhe krahët e shtrënguar”, tha Massimo Osanna, drejtori i sitit arkeologjik.
Amazing discovery in #Pompei. Bodies of man in his 40s and young slave found intact in a villa at Civita Giuliana, 700m from centre. Reminder that this was a human tragedy, not only an archaeological dig. pic.twitter.com/YlGJ9LtZeI
— Ronnie Convery (@ronaldopatrizio) November 21, 2020
Pompei si një vend mahnitës për të eksploruar dhe studiuar.
Në Pompei, 23 kilometra në juglindje të Napolit, jetonin rreth 13,000 njerëz kur shpërthimi i varrosi me hirit, guralecë blu dhe pluhur, duke i “ngrirë” në kohë.
Mbetjet u zbuluan vetëm në shekullin e 16-të dhe gërmimet e organizuara filluan rreth vitit 1750. Kohët e fundit, megjithatë, vëmendja është përqendruar në ndalimin e prishjes ose shembjes së mbetjeve të ekspozuara të qytetit.
