Shefja e Komisionit Evropian Ursula Von der Leyen ka mbajtur një fjalim elektoral pasi u emërua nga grupimi i saj politik (EPP) edhe për një mandat për të udhëhequr me ekzekutivin e BE’së
“Populistët, nacionalistët dhe demagogët e ekstremit të djathtë dhe të majtë po sfidojnë një Evropë paqësore dhe të bashkuar si kurrë më parë”, ka deklaruar Ursula von der Leyen, pasi mori miratimin si kandidatja e vetme e grupit politik kryesor të BE-së, Partisë Popullore.
Ata duan të shkelin vlerat tona dhe duan të shkatërrojnë Evropën tonë. Dhe ne, EPP, nuk do ta lejojmë kurrë këtë,” tha ajo në konferencën e EPP në kryeqytetin rumun, Bukuresht.
Von der Leyen fitoi mbështetjen dërrmuese, por jo unanime për kandidaturën e saj për një mandat të dytë si presidente e organit ekzekutiv të BE-së, me 400 delegatë që e mbështetën dhe 89 votuan kundër. Mbështetja vjen përpara zgjedhjeve parlamentare në mbarë BE-në në qershor që do të çojnë në emërimin e një skeme të re zyrtarësh të lartë – përfshirë kreun e Komisionit të fuqishëm me bazë në Bruksel.
