Një raketë u lëshua nga një avion rus pranë një avioni të paarmatosur RAF (Royal Air Force) në patrullë mbi Detin e Zi, tha sekretari i mbrojtjes.
Ben Wallace tha se incidenti “potencialisht i rrezikshëm” ndodhi më 29 shtator në hapësirën ajrore ndërkombëtare, shkruan BBC. Rusia tha se ishte rezultat i një “mosfunksionimi teknik”.
Patrullat e Mbretërisë së Bashkuar mbi Detin e Zi u pezulluan, por tani kanë rifilluar dhe janë shoqëruar nga një avion luftarak pas përgjigjes së Rusisë.
Wallace u tha deputetëve se incidenti nuk po trajtohej si një “përshkallëzim i qëllimshëm” i luftës në Ukrainë nga forcat ruse.
Duke folur në Commons, Wallace tha se gjatë një “ndërveprimi” një nga avionët SU-27 “lëshoi një raketë në afërsi të RAF Rivet Joint përtej rrezes vizuale”.
Ai tha se i shprehu shqetësimet e tij në një letër drejtuar ministrit rus të mbrojtjes.
Përgjigja e ministrit më 10 tetor thoshte se një hetim ishte kryer dhe zbuloi se kishte pasur një “mosfunksionim teknik” me aeroplanin rus, tha Wallace.
Ata gjithashtu pranuan se incidenti ndodhi në hapësirën ajrore ndërkombëtare, shtoi ai.
