“Kur isha i suksesshëm gjatë shkollimit, ndryshova perceptimin në shoqëri. Njerëzit filluan të më shikonin me admirim dhe habi. Kështu është edhe në jetën time të biznesit. Ka pasur qasje pozitive ndaj meje”, tha avokati Alperen Selvi.
Alperen Selvi, 28-vjeç, i cili jeton në qytetin turk Eskişehir dhe ka paralizë cerebrale që në lindje, është shembull me vendosmërinë e tij me punën si avokat, raporton Anadolu.
Alpereni, i cili është fëmija i vetëm i familjes dhe ka një paaftësi prej 71 për qindi, e filloi këtë profesion pas suksesit të tij të jashtëzakonshëm në arsim, pavarësisht disavantazheve nga sëmundja, ndërkohë ka marrë terapi fizike që nga mosha 1-vjeçare.
Ai u pranua në Fakultetin Juridik të Universitetit Anadolu dhe pasi në vitin 2019 mori diplomën ai punoi si nëpunës civil në Gjykatën e Eskişehirit për 5 vjet.
Avokati Selvi ka rreth një vit që punon në dosjet e Ministrisë së Kulturës dhe Turizmit në Eskişehir. Duke punuar në Drejtorinë Krahinore të Kulturës dhe Turizmit, Selvi përgatit skedarë në fushën e tij duke përdorur tastierën zanore.
Po ashtu ai merr pjesë në seancat dëgjimore në emër të institucionit dhe është i lumtur dhe krenar që e bën punën e tij siç duhet. Për Anadolu ai tha se i kapërceu pengesat që në moshë të re falë durimit dhe përpjekjes së prindërve të tij.
“Kur isha i suksesshëm gjatë shkollimit, ndryshova perceptimin në shoqëri. Njerëzit filluan të më shikonin me admirim dhe habi. Kështu vazhdoj gjatë gjithë jetës. Kështu është edhe në jetën time të biznesit. Ka pasur qasje pozitive ndaj meje. Nuk e lashë këtë të shkojë dëm as në jetën time të biznesit. Duke qenë se u përpoqa të bëja më të mirën, i kapërceva pengesat edhe në jetën e biznesit”, tha ai.
“Jam i kënaqur me punë që bëj”
Avokati i ri, Selvi, u shpreh se gjatë shkollimit kishte dashur të bëhej gjyqtar apo prokuror, por me kalimin e viteve për të ishte më e arsyeshme të bëhej jurist për t’iu përshtatur gjendjes së tij shëndetësore.
“Jam i kënaqur me punën që bëj. Mendoj se po kontribuoj për shtetin tim. Mendoj se ky është një nga aspektet më të mira të të qenit avokat i korporatës. Ju i kontribuoni shtetit ligjërisht. Kjo është një ndjenjë vërtet e bukur. Unë do të doja të falënderoja shtetin tonë, ministrinë tonë, zyrën e guvernatorit tonë, drejtorët tanë në drejtorinë tonë të avokatëve”, tha ai.
Selvi theksoi se perceptimet sociale ndaj personave me aftësi të kufizuara mund të jenë demoralizuese.
“Ne vazhdojmë të përpiqemi të bëjmë punën tonë siç duhet duke treguar durim dhe këmbëngulje ndaj tyre. Jam i lumtur që bëj gjëra që do të kontribuojnë si për mua ashtu edhe për popullin tim”, tha Selvi.
