Njëri nga politikanët më me ndikim të Partisë Republikane dhe aleat i ngushtë i presidentit amerikan Donald Trump, Chuck Grassley, ka kritikuar presidentin e entitetit Republika Srpska (RS), Milorad Dodik.
Ai bëri një paralelizëm mes Dodikut dhe presidentit sirian Bashar al-Asad, duke theksuar se largimi i Dodikut në Rusi ngjan me kërkimin e një strehimi të sigurt.
“Ashtu si Asadi në Siri, diktatori në tentativë Dodik ikën në Rusi për strehë të sigurt. Ai është gati të përballet me drejtësinë në Bosnje dhe Hercegovinë për përpjekjen e dështuar për ta ndarë vendin dhe për të ndaluar integrimin drejt Evropës”, – ka shkruar Chuck Grassley në rrjetin social X më 1 prill 2025.
Nënkryetari i Senatit të SHBA-ve edhe më herët ka drejtuar mesazhe të ashpra ndaj Dodikut, duke e akuzuar atë për ndjekje të një politike separatiste.
Ai theksoi se përpjekje të tilla nuk u sollën dobi separatistëve as në vitet ’90, e nuk do të sjellin as tani.
