Tamara Vuçiq, bashkëshortja e presidentit të Serbisë, Aleksandar Vuçiq, ishte në Iran, ku mori pjesë në Kongresin Ndërkombëtar të Grave me Ndikim dhe veshja e saj tërhoqi vëmendjen.
Ajo u përpoq të respektonte kodin e veshjes, ndaj u shfaq me një jumpsuit blu mbretërore dhe shall.
“E mrekullueshme. Mirënjohje, kështu duhet të respektoni shtetin”, tha një përdorues i Twitter. Megjithatë, shumë njerëz pyetën veten pse Tamara ishte e ftuar në një ngjarje të tillë në radhë të parë.
“Dhe çfarë bënte ajo atje në çfarë cilësie? Në çfarë funksioni shtetëror është?” është edhe një nga komentet.
Tamara e shfrytëzoi këtë vizitë për të hapur një kënd kushtuar historisë së Serbisë në Bibliotekën Kombëtare dhe Arkivin e Republikës Islamike të Iranit.
“Këndi serb është vetëm një dritare në historinë e pasur dhe të larmishme kulturore të vendit tim dhe popullit tim, por shpesh vetëm një fjalë është e mjaftueshme për t’ju frymëzuar dhe motivuar të kërkoni më tej dhe të mësoni më shumë. Njohja e kulturave të ndryshme është mënyra për mirëkuptimi dhe dashuria. Paqja dhe siguria qëndrojnë në biblioteka, në ato tempuj të dijes dhe zhvillimit personal”, tha ajo.