Bashkimi Evropian: Pothuajse gjysma e territorit të Evropës në rrezik nga thatësira

Sipas raportit të korrikut të përgatitur nga Qendra e Përbashkët e Kërkimeve, duke përfshirë Britaninë e Madhe, 44 për qind e tokave të BE-së janë në nivel “paralajmërimi” dhe 9 për qind në nivel “alarmi” të thatësirës.

Qendra e Përbashkët Kërkimore e Bashkimit Evropian (BE) paralajmëroi se 44 për qind e tokës së Evropës kërcënohet nga thatësira, transmeton Anadolu Agency (AA).

Sipas raportit të korrikut të përgatitur nga Qendra e Përbashkët Kërkimore, duke përfshirë Britaninë e Madhe, 44 për qind e tokave të BE-së janë në nivel “paralajmërimi” dhe 9 për qind në nivel “alarmi” të thatësirës.

Italia është një nga vendet më të prekura nga nxehtësia ekstreme. Thatësira më e madhe vërehet në pellgun e lumit Po në veri të vendit.

Shkalla e shfrytëzimit të rezervave ujore në Spanjë u mat gjithashtu të jetë 31 për qind më e ulët se mesatarja e dhjetë viteve të fundit.

Është përcaktuar se uji i përdorur për prodhimin e energjisë hidroelektrike në Portugali është ulur me 50 për qind në 7 vitet e fundit.

Vapa ekstreme ndikon negativisht në rendimentet bujqësore, veçanërisht në Francë, Rumani, Spanjë, Portugali dhe Itali.

Ndërsa për muajt në vijim bëhen parashikime negative të motit, kjo situatë rrezikon furnizimin me ujë.

Megjithëse strategjitë për zbutjen e thatësirës janë jashtëzakonisht të rëndësishme për momentin, rekomandohet t’i kushtohet vëmendje trajtimit të shkakut rrënjësor të problemit, ndryshimeve klimatike dhe ndërprerjes së ciklit të ujit.

Valë të nxehtit vërehen edhe në veri

Ndërkohë që vendet e Evropës Jugore prej ditësh po përballen me të nxehtin ekstrem dhe zjarret në pyje, temperaturat e ajrit po prekin edhe vendet si Belgjika, Gjermania dhe Anglia, veçanërisht nga dita e sotme.

Në këto vende janë marrë paralajmërime dhe masa të ndryshme, ku parashikohen temperatura deri në 40 gradë Celsius apo edhe më shumë.

Kategoritë
BotaLajme