Manchester City e ka pësuar humbjen e parë sezonale në Premierligë.
“Citizens” u mposhtën 2:1 nga Bournemouth në udhëtim, në kuadër të javës së 10-të në elitën e futbollit anglez.
Semenyo kaloi vendasit në epërsi në minutën e nëntë të ndeshjes, shkruan Gazeta Express.
Në minutën e 64-të Evanilson dyfishoi epërsinë me asistin e Kerkez, që shërbeu edhe në golin e parë.
Krejt çfarë arritën të bënin kampionët në fuqi të Anglisë ishte goli i ngushtimit të rezultatit në minutën e 82-të.
Se sot nuk ishte dita e tyre, e dëshmuan edhe shumë raste të shpërdoruara në vazhdim.
Me këtë fitore, Bournemouth tani ngjitet në vendin e tetë me 15 pikë, tri më pak se zona e Ligës së Kampionëve.
Në anën tjetër, Manchester City bie në vendin e dytë me 23 pikë, dy më pak se Liverpool që tani prin.
