Një ditë pasi Adidas njoftoi heqjen e modeles Bella Hadid nga një fushatë e re reklamuese për atletet, duket se Hadid nuk do ta lërë lehtë dhe ka punësuar një ekip ligjor.
TMZ raportoi se modelja 27-vjeçare nuk ka ndërmend të heqë dorë dhe burime pranë Hadid thanë se ajo ka punësuar avokatë për të ndërmarrë veprime ligjore kundër Adidas.
Sipas tyre, modelja dëshiron të padisë kompaninë për mungesë përgjegjësie publike – në thelb, duke thënë se ajo mendon se ata zhvilluan një fushatë mizore dhe të dëmshme.
Bella Hadid ka punësuar një ekip ligjor për të paditur Adidas, raporton TMZ.
Sipas burimeve, Bella Hadid është e mërzitur që kompania nisi një fushatë që lidh këdo me masakrën e Mynihut në Lojërat Olimpike të vitit 1972, pasi bie ndesh me vlerat dhe pikëpamjet e saj për dhunën.
TMZ gjithashtu pretendon se Bella Hadid mbetet nën kontratë me Adidas, pavarësisht raporteve të mëparshme që sugjeronin se kompania e ka ndërprerë kontratën e saj.
Adidas zgjodhi Bella Hadid për të promovuar atlete retro të frymëzuara nga Lojërat Olimpike të Mynihut të vitit 1972, gjatë së cilës 11 atletë izraelitë u mbajtën peng dhe u vranë.
