Politikani i ekstremit të djathtë tha se veprimet e Netanyahut po minojnë arritjet ushtarake të Izraelit në luftën kundër Gazës.
Ish-ministri izraelit i Sigurisë Kombëtare, Itamar Ben-Gvir, ka kritikuar ashpër kryeministrin Benjamin Netanyahu, duke e quajtur marrëveshjen e armëpushimit të Gazës një “gabim historik”.
Duke folur për radion lokale 103FM, politikani i ekstremit të djathtë tha se veprimet e Netanyahut po minojnë arritjet ushtarake të Izraelit në luftën kundër Gazës.
Vazhdimi i marrëveshjes, sipas tij, është një “gabim historik që do të na kthejë prapa.
“Marrëveshja e pengon Izraelin të arrijë një fitore totale dhe çdo ditë që kalon dëshmon se kundërshtimi im ndaj marrëveshjes ishte i justifikuar”, tha ai.
Ben-Gvir, icili drejton partinë e ekstremit të djathtë Otzma Yehudit dhe i cili dha dorëheqje nga qeveria e Netanyahut muajin e kaluar pasi kundërshtoi marrëveshjen e armëpushimit, pretendoi se luftëtarët e Hamasit kanë ri-fituar pushtetin dhe kontrollin në Gaza.
“Sasia e ndihmës që ne u japim atyre u mundëson atyre të sundojnë. Hamasi ri-fitoi kontrollin (në Gaza) për shkak të kësaj marrëveshje të pamatur”, tha ai.
Ben-Gvir gjithashtu kritikoi ministrin e Financave të ekstremit të djathtë, Bezalel Smotrich, duke hedhur poshtë pretendimin e tij se Izraeli ka çmontuar Hamasin.
“E dëgjova të thoshte se ne e kemi shkëputur Hamasin, por për fat të keq, realiteti në terren thotë të kundërtën”, tha ai.
Më 19 janar, në Gaza hyri në fuqi një marrëveshje armëpushimi, duke ndalur luftën gjenocidale të Izraelit, e cila ka vrarë të paktën 48.200 palestinezë, kryesisht gra dhe fëmijë, si dhe e ka lënë enklavën në gërmadha.
Nëntorit e vitit të kaluar, Gjykata Ndërkombëtare Penale lëshoi urdhër-arreste ndaj Netanyahut dhe ish-ministrit të Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.
Izraeli për luftën në enklavën palestineze gjithashtu përballet me një çështje gjenocidi në Gjykatën Ndërkombëtare të Drejtësisë.
