Presidenti amerikan në largim, Joe Biden, la sot në Zyrën Ovale një letër për pasardhësin e tij, Donald Trump.
I pyetur nga gazetarët para Shtëpisë së Bardhë nëse kishte shkruar një letër, Biden u përgjigj pozitivisht, por refuzoi të jepte më shumë detaje.
“Kjo është mes Trump-it dhe meje,” deklaroi Biden.
Edhe Trump, në vitin 2021, kishte lënë një letër që Biden më vonë e përshkroi si “shumë bujare.”
Përmbajtja e letrës që Donald Trump i la Joe Biden-it në vitin 2021 nuk u bë publike.
Pas inaugurimit, në rrjetet sociale u shpërnda një imazh i rremë i një letre të supozuar me mesazhin: “Joe, e di që unë fitova.”
