Deri më sot neni i 64 i rregullores ndalonte çdo person, përfshirë foshnja e për çdo lloj motivi, të merrte pjesë në punimet e parlamentit. Tribunat e publikut janë rreptësisht të ndara e të distancuara nga vendndodhja e deputetëve e nënat me fëmijë në gji u duhej të zgjidhnin mes vendimeve e diskutimeve parlamentare e ushqimin e fëmijës.
Prej sot nënat deputete në Itali do të mund të ushqejnë me gji fëmijët e tyre deri në moshën një vjeç, gjatë seancave parlamentare.
Ky është vendimi i fundit i marrë nga Bordi i Rregulloreve në Parlamentin italian.
Nënat deputete mund të ushqejnë fëmijët e tyre në pozicione të rezervuara të identifikuara me vendim të Kolegjit të Kuestorëve.
Propozimi i parë për një ndryshim të tillë i përket vitit 2019, nga vetë kryeministra aktuale Giorgia Meloni, atëherë deputete. Më korrik të 2022 ishte deputetja e Lëvizjes 5Yje Gilda Sportiello, e cila e prezantoi zyrtarisht si kërkesë e më pak orë më parë u arrit më në fund ky ndryshim.
“Një hap civilizimi” është komenti i bërë nga gratë deputete duke kujtuar se një rregullore e tillë është aprovuar në Parlamentin Europian 12 vite më parë.
Vendimi është përshëndetur nga KM Giorgia Meloni e cila e konsideron “një sinjal mbi vëmendjen e duhur ndaj mëmësisë, fëmijërisë e familjes.