Sot në mëngjes në një pjesë të Kroacisë bie borë, ndërsa në pjesën tjetër të vendit ka reshje shiu dhe erë të fortë.
Sipas të dhënave të Institutit Hidrometeorologjik të Kroacisë, mëngjesin e sotëm në ultësira po bie borë.
Stuhi bore është regjistruar edhe në autostradën Rijeka – Zagreb dhe në qytetet Gorski Kotar ku qarkullimi ka qenë i vështirë.
Mediat kroate raportojnë se në Delnicë kanë rënë rreth 40 centimetra borë.
Një stuhi e fortë është regjistruar edhe në jug, ndërsa në Dubrovnik era e fortë ka rrëzuar disa pemë.
Një stuhi e fortë e shoqëruar me reshje të dendura shiu dje ka shkaktuar përmbytje dhe dëme të mëdha materiale në zonën e Novi Vinodolskit.
DHMZ lëshoi paralajmërime për të dielën për shkak të motit potencialisht të rrezikshëm. Një pjesë e Kroacisë është në të kuqe.
