Një vajzë 5-vjeçare në kryeqytetin e Irlandës së Veriut, Belfast, është bërë fëmija i 9-të që vdes nga infeksioni bakterial “Strep A”
Numri i fëmijëve që kanë humbur jetën në Britani nga infeksioni i shkaktuar nga bakterja “Strep A” është rritur në 9, transmeton Anadolu Agency (AA).
Një vajzë 5-vjeçare në kryeqytetin e Irlandës së Veriut, Belfast, është bërë fëmija i 9-të që vdes nga infeksioni bakterial “Strep A”.
Sekretari i Shtetit i Mbretërisë së Bashkuar për Arsimin, Nick Gibb, tha se shkollave të prekura nga “Strep A” mund t’u jepen antibiotikë për të ndaluar përhapjen e infeksionit në shkolla.
Gibb deklaroi se përdorimi i antibiotikëve është një opsion dhe se çështja u ngrit dje në Dhomën e Lordëve.
Incidencë më e lartë e sëmundjes krahasuar me vitet e mëparshme
Agjencia e Sigurisë Shëndetësore e Mbretërisë së Bashkuar (UKHSA), në një deklaratë për këtë çështje, paralajmëroi familjet që të kenë kujdes ndaj infeksionit dhe tha se incidenca e sëmundjes është më e lartë se në vitet e mëparshme.
UKHSA vlerësoi se rritja ka shumë të ngjarë të jetë për shkak të qarkullimit të lartë të baktereve në komunitet.
Bakteret “Strep A” prekin fytin dhe lëkurën e njerëzve, duke shkaktuar ftohje dhe dhimbje të fytit herë pas here.
Infeksioni shkakton skuqje dhe infeksion të lëkurës në disa pjesë të trupit dhe mund të çojë në komplikime serioze dhe vdekje në disa raste.
Bakteret që shkaktojnë sëmundjen mund të përhapen lehtësisht midis njerëzve përmes teshtitjes, kollitjes dhe kontaktit të afërt.
