Ish-lojtari i kombëtares angleze dhe nënshkrimi i shtrenjtë i Chelseat, Danny Drinkwater (34), në vend që të vazhdojë të luajë në fushat më të mëdha të futbollit në mbarë botën, sot po punon në një kantier ndërtimi.
Danny Drinkwater ishte një nga anëtarët më të rëndësishëm të skuadrës së mrekullueshme të Leicesterit që fitoi titullin anglez në 2016. Kjo i solli atij një transferim të madh një vit më vonë, pasi Chelsea i pagoi gati 40 milionë euro në 2017.
Megjithatë, pas transferimit të tij në Chelsea, karriera e tij shkoi drejt greminës. Ky mesfushor, i cili bëri tre paraqitje për kombëtaren e Anglisë, u përpoq të gjente formën e tij në Stamford Bridge, si dhe u përpoq si i huazuar te Burnley, Aston Villa, Kasimpasa dhe Reading.
Pasi nuk arriti të rikthehej në formën e tij më të mirë edhe me huazim, ai hoqi dorë nga përpjekjet dhe përfundoi karrierën e tij në vitin 2022 me vetëm 32 vite të plota jetë. Ai me atë rast befasoi botën e futbollit, ndërsa tani është rishfaqur në ballinat e mediave.
Drinkwater gjatë karrierës së tij ka themeluar një kompani që merret me rinovimin e pronave të paluajtshme dhe pas përfundimit të karrierës së tij futbollistike iu përkushtua plotësisht kësaj pune, ndaj tani shpesh “pis” duart në kantiere.
Mesfushori dikur i madh ndau një foto nga kantieri, ku një tifoz u përgjigj se ai “sapo kishte goditur fundin”. Mirëpo, përgjigja e këtij ish-futbollisti mori vlerësime të shumta.
“Disa nga ju komentues, tregohuni të mirë. Më pëlqen të jem në një kantier ndërtimi. Është thjesht zgjedhja ime,” i tha Drinkwater.
