Ushtria është vullnetare për gratë në shumicën e vendeve, por rekrutimi është në rritje. DW jep një pasqyrë të grave ushtri në mbarë botën.
Danimarka është vendi i fundit që ka instaluar rekrutimin ushtarak për gratë. Me 25 mars, Kopenhaga njoftoi se të gjitha të rejat që mbushin 18 vjet pas 1 korrikut të këtij viti, mund të rekrutohen nëpërmjet lotarisë kombëtare duke filluar nga janari 2026, nëse ushtria nuk tërheq mjaftueshëm vullnetarë. Masa po zbatohet dy vite me herët sesa ishte planifikuar në mes të rritjes së tensioneve gjeopolitike në Evropë.
Rreth 25% e rekrutëve vullnetarë janë aktualisht gra, sipas Forcave te Armatosura Daneze.
Shërbimi i detyrueshëm ushtarak, i cili ishte tashmë është në fuqi për burrat zgjat nga katër deri në 12 muaj, në varësi të asaj që vendosin të bëjnë rekrutët pas trajnimit të tyre bazë tre – mujor.
Pionierët e barazisë ushtarake
Grave u kërkohet gjithashtu të shërbejnë në forcat e armatosura në Norvegji dhe Suedi.
Norvegjia ka rekrutim të përgjithshëm që nga janari 2015, ndërsa në Suedi rekrutimi u hoq në vitin 2010 dhe më pas u riaktivizua në janar 2018 për të përfshirë burrat dhe gra prej moshës 18 vjeçe e lartë. Kohëzgjatja e shërbimit ushtarak është nga 6 deri në 15 muaj. Rreth 20% e të gjithë personelit ushtarak janë femra.
Në Holandë, rekrutimi zbatohet edhe për gratë, megjithëse shërbimi i detyrueshëm ushtarak në tërësi është pezulluar që nga viti 1997.
Ligjet e rekrutimit në Izrael kanë kërkuar që gratë të shërbejnë në forcat e armatosura që nga viti 1949, edhe pse vetëm për dy vjet, ndërsa burrat shërbejnë tre vjet. Në qershor 2024, Gjykata e Lartë izraelite vendosi që hebrenjtë ultra – ortodoksë, të cilët më parë ishin të përjashtuar nga ky detyrim, tani do të shërbejnë edhe në ushtri, megjithëse ky vendim vlen vetëm për burrat.
Më shumë gra rekrutohen në Afrikë dhe në Azi
Një numër i konsiderueshëm i vendeve afrikane rekrutojnë gjithashtu gra. Në shtetin e Afrikës Lindore, Eritresë, kohëzgjatja e shërbimit të detyrueshëm ushtarak është 16 muaj si për burrat ashtu edhe për gratë .
Grave u kërkohet gjithashtu të shërbejnë në Çad, Guinea – Bissau, Mali, Mozambik, Vape – Verde dhe Niger.
Ekziston rekrutimi për gratë edhe në Bregun e Fildishtë, megjithëse nuk zbatohet.
Në Mozambik qeveria deklaroi në vitin 2024 se shërbimi selektiv i detyrueshëm mund të rritet nga dy deri në pesë vjet.
Vendet Aziatike të Birmanisë, Kina, Timori Lindor dhe Koreja e veriut gjithashtu kanë rekrutim
Në Korën e Veriut, grave u kërkohet të kryejnë shërbimin ushtarak që nga viti 2015, dhe mosha minimale është 17vjet. Në varësi të nivelit të tyre arsimor, kjo mund të zgjasë me vite.
Në Timorin Lindor, shërbimi i detyrueshëm ushtarak për burrat për gratë midis moshës 18 – 30 vjeçe u vendos në vitin 2020, me një periudhë shërbimi prej 18 muajsh. Megjithatë, nuk është e qartë se si do të zbatohet detyrimi.
Në Kinë, gratë e moshës 18 – 19 vjece që kanë mbaruar shkollën dhe plotësojnë kërkesat për disa profesione ushtarake i nënshtrohet shërbimit të detyrueshëm ushtarak
Më shumë gra vullnetare
Në shumicën e vendeve, shërbimi ushtarak për gratë mbetet vullnetar. Në Shtetet e Bashkuara të Amerikës, ku rreth 200 mijë ushtare femra përbëjnë rreth 14% të personelit ushtarak të vendit, gratë kanë shërbyer në njësitet luftarake që nga viti 1993. Që nga atëherë vendi ka hapur të gjitha degët ushtarake për gratë, duke përfshirë vendosjen në forcat tokësore dhe të nëndetëseve.
Në shumë vende tjera, duke përfshirë Mbretërinë e Bashkuar, Belgjikën, Kanada, Spanja, Franca, Poloninë, Australinë, Greqinë, Turqinë, Republiken Çeke, Portugalinë, Bolivinë, Japoninë, Korën e Jugut dhe Gjermaninë, një karrierë në ushtri është gjithashtu e hapur për gratë që dëshirojnë ta ndjekin atë.
Në Ukrainë, e cila ka luftuar kundër së agresionit të Rusisë që nga fillimi i pushtimit në shkallë të gjerë në shkurt 2022, nuk ka shërbim të detyrueshëm ushtarak për gratë. Megjithatë, Ministria e Mbrotjes e Ukrainës ka raportuar se 68.000 shërbejnë aktualisht në ushtri. Ndërsa kjo është 40% më shumë se në vitin 2021, ajo mbetet vetëm një pjesë e 900.000 ushtareve meshkujve aktualë. Gratë po luftojnë edhe për Rusinë. Në tetor 2024, njësia e parë luftarake vullnetare e vendit u themelua në mes të luftës së saj me Ukrainën. Njësia “Shtrigat e Natës” e piloteve femra të dronëve është emëruar sipas nje regjimenti te aviacionit te grave sovjetike nga Lufta e Dytë Botërore.
