Dalin pamjet, momenti kur marina iraniane merr peng 2 anijet greke

Mediat shtetërore iraniane kanë transmetuar pamjet nga momenti i sekuestrimit të dy cisternave greke në Gjirin Persik.

Anija “Delta Poseido” ka një ekuipazh prej 25 personash, duke përfshirë dy grekë, ndërsa anija “Prudent Warrior” ka ekuipazh prej 23 personash, midis tyre 8 grekë dhe një qipriot.

Autoritetet iraniane sekuestruan dy anijet greke të shtunën e 28 majit, kur dy helikopterë të marinës iraniane u ulën në dy anijet greke, prangosën ekuipazhet për të çuar cisternat në ujërat territoriale iraniane.

Më herët sekretari amerikan i Shtetit, Anthony Blinken dënoi ashpër sekuestrimin e dy cisternave greke nga Irani, gjatë një bisede që zhvilloi ditën e sotme me homologun e tij grek Nikos Dendias

Nëpërmjet një njoftimi, Departamenti Amerikan i Shtetit për thekson se dënon sekuestrimin e dy anijeve nën flamurin grek nga Garda iraniane.

Provokimi dhe ndërhyrja e vazhdueshme në të drejtat dhe liritë e lundrimit është një kërcënim për sigurinë detare dhe ekonominë globale.

Të dy ministrat ranë dakord gjithashtu që Irani duhet të lirojë menjëherë anijet, ngarkesën dhe ekuipazhet.

Kategoritë
BotaLajme