Fitorja e bujshme e Marokut ndaj Spanjës ishte lajm në botën e sportit vetëm për dhjetë minuta dhe më pas u njoftua se Cristiano Ronaldo nuk ishte në formacionin fillestar të Portugalisë për t’u përballur me Zvicrën.
Menjëherë mediat botërore e kanë përqendruar gjithë vëmendjen te Ronaldo. Jo për ndeshjen mes Portugalisë dhe Zvicrës, por Ronaldos dhe kjo u pa më së miri pikërisht para fillimit të ndeshjes.
Gjatë këndimit të himneve, rreth njëqind fotografë qëndruan para stolit të Portugalisë. Një numër shumë i vogël ishin përballë fushës dhe 11 lojtarë portugez të cilët kënduan himnin kombëtar sepse të njëjtën gjë po bënte edhe Ronaldo para pankinës.
This photo is INSANE. @Cristiano 🐐 pic.twitter.com/2omdw4ZTMW
— Piers Morgan (@piersmorgan) December 6, 2022
Edhe pse ishte në stol, Ronaldo ishte sërish në qendër të vëmendjes dhe çdo lëvizje e tij ndiqej.
Ronaldo hyri në lojë në minutën e 74-të dhe Portugalia fitoi me rezultat 6:1, më së shumti falë het-trikut të Goncalo Ramos, lojtarit që e nisi ndeshjen në vend të Ronaldos.
