Angel Di Maria dhe familja e tij, së fundi janë kërcënuar me vdekje.
Futbollisti argjentinas ishte afër rikthimit në vendlindje, te skuadra e tij e fëmijërisë Rosario Central, por ka thënë se këto kërcënime e detyruan atë të ndryshonte mendjen,
Di Maria ishte në shënjestër në atë që autoritetet argjentinase e kanë përshkruar më parë si një përpjekje për shfaqje të pushtetit nga organizatat kriminale në Rosario, e cila ka parë një rritje të dhunës së lidhur me drogën dhe bandat.
Anësori, i cili u tërhoq nga futbolli ndërkombëtar pasi fitoi trofeun e tij të dytë të Copa America në fillim të këtij muaji, tha se kishte dashur ta përfundonte karrierën e tij në klub në qytetin e tij të lindjes pasi u largua nga skuadra portugeze Benfica
Raportet për një shënim kërcënimi me vdekje të hedhur në pronën e familjes së Di Marias u shfaqën në mars dhe Di Maria tha se familja e tij nuk kishte raportuar ndonjë kërcënim tjetër në polici nga frika.
“Kishte një kërcënim në biznesin e motrës sime, një kuti me kokë derri dhe një plumb në ballë dhe një shënim që thoshte se nëse kthehesha në Rosario Central, koka tjetër ishte ajo e vajzës sime Pia.
Ata muaj ishin të tmerrshëm… ne mund të uleshim vetëm aty dhe të qanim çdo natë se nuk ishim në gjendje ta realizonim atë kthim të ëndrrës.
Është mungesë respekti të flasësh për sigurinë dhe protokollet për mua kur njerëzit nga Rosario nuk mund të dalin në punë, nuk mund të presin autobusin pa u grabitur apo vrarë për një çantë shpine”, ka deklaruar Di Maria për mediat argjentinase
